د کابل ولایت د څرخي پله مرکزي زندان له نظامي پرسونل څخه د ادارې په شپې لېسه کې د شاملېدو په موخه د ټولګي د تثبیت ازموینه واخیستل شوه

news_admin
چهارشنبه ۱۴۰۳/۱۰/۲۶ - ۱۴:۴۱
امتحان

د زندانونو چارو د سمون ادارې د عمومي رئیس محترم مولوي محمدیوسف "مستري" په لارښوونه، د ادارې د ښوونې او بیا روزنې د رئیس محترم مولوي نظرمحمد"ناصري" په هڅو او د پوهنې وزارت په همکارۍ نن (چهار شنبې) په داسې حال کې چې د پوهنې وزارت د ازموینو د کمېټې رئیس محترم مولوي عبدالواحد "واحد یار" او مل پلاوي یې هم شتون درلود، د ادارې له شا او خوا (۳۱) تنو نظامي پرسونل څخه چې د مخه یې نوم لیکنه کړې وه په شپې لېسه کې د شاملېدو په هدف د ټولګي د تثبیت په موخه ازموینه واخیستل شوه.

د محترم مولوي ناصري په وینا:« یاده ازموینه د هغو نظامیانو لپاره ده چې په تېر کې یې د ځینو ستونزو له امله زده کړې نیمګړې پاتې شوې وې، د ادارې په هڅو مو ورته دا فرصت برابر کړی څو د پوهنې وزارت د یادې ازموینې له مخې د دوی د ټولګی تثبیت او په مختلفو ټولګیو کې به شامل شي چې د رسمیاتو څخه وروسته د ادارې په شپې لېسه کې خپلې زده کړې بشپړې کړي.

داراز، د پوهنې وزارت د ازموینو د کمېټې رئیس محترم مولوي عبدالواحد واحدیار په خبره،  دغه ښوونځي کې د شاملېدو په موخه ګډونوال به د خپلې وړتیا له مخې په (لسم، یوولسم او دولسم) ټولګیو کې له ازموینې ورسته شامل او د ۱۲-ام  ټولګي د بشپړولو ورسته به د پوهنې وزارت له لوري د فراغت سندونه ورکړل شي.

 

رجب المرجب ۱۴/ ۱۴۴۶

د مقام د دفتر ریاست    

د اطلاعاتو او عامه اړیکو امریت

 

تازه ترین اخبار

چهارشنبه ۱۴۰۴/۳/۱۴ - ۱۴:۱۱
Background image

د زندانونو چارو د سمون ادارې نظامي مرستیال د کابل ولایت د څرخي پله د مرکزي محبس ښوونیز او روزنیز بهیر ارزونه وکړه

 

محترم لوی پاسوال قاري حبیب الله بدر په داسې حال کې چې د دغې ادارې د ښوونې او بیا روزنې رئیس محترم مولوي نظر محمد ناصري، د نوموړي زندان رئیس محترم مولوي عبدالمالک خاکسار او یو شمېر. . .

پنجشنبه ۱۴۰۴/۲/۱۸ - ۱۲:۲۴
Background image

د کابل ولایت د ماشومانو د اصلاح او روزنې مرکز د محجوزینو لپاره (د ټولنې اړتیا ځوانانو ته) تر نوم لاندې  یو ورځیني سمینار ترسره شو  

د دغه مرکز د رئیس محترم مولوي شرافت الله حقاني په وینا نن ورځ یې د دې مرکز د محجوزینو لپاره (د ټولنې اړتیا ځوانانو ته) تر نوم لاندې  یو ورځیني سمینار چې په کې مختلف اصلاحي لارښوونې او د. . .

شنبه ۱۴۰۳/۱۱/۱۳ - ۹:۲۸
Background image

ولايتي خبرونه( غزني، ننګرهار، بادغیس) د غزني او ننګرهار ولایتونو له زندانونو څخه سلګونه تنه زندانیان خوشې او د سلګونو تنو د بند په موده کې تخفیف راوستل شو

د عالیقدر امیرالمؤمنین شیخ القرآن والحدیث مولوي هبة الله "اخندزاده"(حفظه الله) د شفقت او مهربانۍ له مخې د سزا د عفوې او تخفیف د فرمان او د سترې محکمې د حکم په اساس ځیني زندانیان چې په. . .

BACK TO NEWS