ولایتي خبرونه( غور، بادغیس) غور ولایت د زندان ملکي او نظامي پرسونل لپاره د قرآن کریم ترجمې او تفسیر دوره پیل شوه
د زندانونو چارو د سمون ادارې د محترمې رهبرۍ او د غور ولایت د زندان مسوولینو په هڅو د ښوونیزو پروګرامونو په دوام، دا ځل د دې ولایت د زندان ملکي او نظامي پرسونل لپاره د قرآن کریم د ترجمې او تفسیر دورې بهیر پیل شو.
د یاد ولایت د زندان مسوولینو په دې اړه د جوړو شویو مراسمو پرمهال، د دیني زدهکړو پر ارزښت خبرې وکړې او دا یې د ادارې د پرسونل د فکري او اسلامي روحېې د لوړولو لامل وبلل.
همدا راز، نوموړو مسوولینو د یاد زندان ملکي او نظامي پرسونل او زندانیانو څخه وغوښتل، چې له دې طلايي فرصت څخه پوره ګټه واخلي او ټولنې ته د ښه خدمت کولو لپاره خپل ځانونه په دیني او عصري زده کړو سمبال کړي.
په ورته وخت کې، نوموړو ګډونوالو د یادې ادارې له مسوولینو څخه د مننې ترڅنګ د زدهکړو دا بهیر یې مثبته وګڼله او ورته د نورو ښوونیزو او روزنیزو برنامو پر دوام ټینګار وکړ.
د یو بل خبر له مخې، د باد غیس ولایت د زندان ملکي او نظامي پروسونل ته د ظرفیت لوړونې په موخه سمینار ترسره شو
د نوموړي زندان د مسوولینو په هڅو او د زندان مسلکي ښوونکو له لورې د یاد زندان نظامي او ملکي کارکوونکو ته د اداري اسنادو د ساتنې، نظامي نظم او ډیسپلین په اړه هر اړخیز معلومات ورکړل شول.
دا راز ، د دې ولایت د زندان مسوولینو د سمینار ګډونوالو څخه وغوښتل چې له ترلاسه کړو زده کړو څخه په خپلو عملي چارو کې ګټه پورته کړي.
په پای کې، د سمینار ګډونوالو د یاد سمینار برابرول ګټور وباله او د زندان له مسوولینو یې مننه وکړله او په راتلونکي کې د ورته سمینارونو جوړولو غوښتونکي شول.
شعبان المعظم ۱۸/ ۱۴۴۶
د مقام د دفتر ریاست
د اطلاعاتو او عامه اړیکو امریت
