د زندانونو چارو د سمون ادارې د پالېسۍ او مسلکي چارو نوي مرستيال په کار پیل وکړ
د دغې ادارې د رهبرۍ په وړاندیز او د ا.ا.ا. د عالیقدر مشر امیرالمؤمنین شېخ القرآن والحدیث مولوي هبة الله "اخندزاده"(حفظه الله) په حکم محترم الحاج مولوي محمد کاظم "طارق" د زندانونو چارو د سمون ادارې د پالېسۍ او مسلکي چارو د نوي مرستیال په توګه د ادارې پرسونل ته معرفي او نن (سې شنبې) یې خپله دنده په رسمي توګه پیل کړله.
د ا.ا.ا. د چارو د ادارې عمومي رئیس محترم شیخ الحدیث نورالحق "انور" په دې اړه د جوړو شویو مراسمو پر مهال، چې د زندانونو چارو د سمون ادارې عمومي رئیس محترم الحاج مولوي محمدیوسف "مستري" د ادارې د پالېسۍ او مسلکي چارو پخواني مرستیال محترم قاري عبدالله "همدرد" د مالي او اداري عمومي رئیس محترم مولوي عبدالهادي "مالي اخندزاده"، د نظامي چارو د معاونیت د ارکان رئیس محترم پاسوال الحاج اسدالله "مولانا"، د مقام د دفتر رئیس محترم قاري رحمت الله "ګلزاد" او د ادارې او یو شمېر اماراتي ادارو مسوولینو هم شتون درلود، نوموړي ته مبارکي وویله او زیاته یې کړله چې موږ ټول په دې باور یو چې ټاکنې د څوکۍ په هدف نه بلکې د هدف لپاره یوه وسیله ده نو د خوښۍ ځای ده چې موږ د اسلامي دولت تر چتر لاندې د خپل هېواد او ملت خدمت کوو.
داراز، نوموړي زیاته کړله: « دا چې د زندانونو چارو د سمون اداره یوه مهمه اداره ده او د زندانیانو ساتنه او پالنه پر غاړه او شرعي او انساني مسوولیتونه لري نو د نوي مسوول څخه یې په چارو کې د ښه خدمت هیله لرم.
داراز، د زندانونو چارو د سمون ادارې عمومي رئیس محترم الحاج مولوي محمدیوسف مستري په اداره کې اطاعت او امانت داري مهم یاد کړل او زیاته یې کړله: زه هیله مند یم چې محترم الحاج مولوي طارق به خپلې ورسپارل شوې چارې د شرعي اصولو او تقنیني اسنادو په رڼا کې په غور او دقت سره ترسره کوي.
همداشان، محترم الحاج مولوي مستري د ادارې د پالېسۍ او مسلکي چارو له پخواني مرستیال محترم قاري عبدالله "همدرد" څخه مننه وکړله او د هغه په تېر شاوخوا درې کلن بریالي ماموریت کې اخلاص، صداقت او تعهد سره خدمتونه او لاسته راوړنې وستایلې او له نوي رئیس څخه یې وغوښتل چې د اړوندو چارو د ښه پرمخ وړلو لپاره نه ستړې کېدونکو هلوځلو ته دوام ورکړي.
همدا شان، د مقام د دفتر رئیس محترم قاري رحمت الله ګلزاد په خپلو خبرو کې وویل چې د ادارې د پالېسۍ او مسلکي چارو معزز مسوول او ښه همکار، چې شاوخوا درې کاله یې په صداقت سره په دې اداره کې خدمت کړی او په دې موده کې یې د خورا زیار او هڅو سره بې شمېره لاسته راوړنې لرلي له همدې امله یې ټول زحمتونه او ستړیاوې د قدر وړ دي او باید د زړه له تله ترې مننه وکړو.
داراز، د ادارې د پالېسۍ او مسلکي چارو نوي مرستيال محترم الحاج مولوي محمد کاظم طارق هم په خپلو خبرو کې مسوولیت یو امانت یاد کړ او زیاته یې کړله چې ا.ا.ا. د محترم مقام له لوری د سپارل شوي امانت شکر ادا کوم او د الله ج له لوري یې په غوره توګه د ترسره کولو همت غواړم.
رمضان المبارک ۱۱/ ۱۴۴۶
د مقام د دفتر ریاست
د اطلاعاتو او عامه اړیکو امریت
