ولایتي خبرونه ( ننګرهار، بغلان، پروان، بامیان، میدان وردګ، هلمند) ننګرهار ولایت په زندان کې د سولر جوړونې شاپ پرانیستل شو
د ننګرهار ولایت د زندان د مسوولینو په هڅو او د دې ولایت د تخنیکي او مسلکي زده کړو امریت په همکارۍ د نوموړي زندان د زندانیانو د روزنې په موخه د سولر جوړونې شاپ پرانیستل شو.
د دې ولایت د زندان رئیس محترم مولوي سهیل "سعید" د رونېزو اود کسب زده کړو برنامو پلي کېدل د زندانیان په ښې روزنه کې خورا ګتور یاد کړل او زیاته یې کړله چې یاد ریاست هڅه کوي چې د زندانیانو ته د ذهنې ارمتیا او د هغوی د ښې راتلوونکې لپاره بېلابیلې ښوونیزې او روزنیزې برنامې وړاندې کړي.
د یادولو ده، چې د سولر جوړونې په دغه شاپ کې به ۳۵ تنه زندانیان د کسب په زده کولو کې مشغول شي.
په همدې مهال د زندانونو د سمون ادارې د روغتیا رئیس چې د ننګرهار ولایت زندان رئیس او یو شمېر مسوولینو یې هم ملتیا کوله د دې ولایت د زندان د (سرا پا) کلنیک د رغونې چارو څخه لیدنه وکړله.
داراز، د یاد زندان رئیس محترم مولوي سهیل سعید وویل چې دا رغنیزې چارې نه یوازې د زندانیانو لپاره د روغتیايي خدمتونو کیفیت لوړ کړي، بلکي زنداني ناروغانو لپاره به لاډیرې اسانتیاوې برابرکړي.
بغلان:
د یو بل خبر له مخې، بغلان ولایت له زندانه ۳۹ تنه محبوسین د عفوې او تخفیف څخه برخمن شول
بغلان ولایت د استیناف محکمې د ټاکل شوي پلاوي له خوا د زندانیانو د نسبتي دوسیو د کره ارزونې او د افغانستان د سترې محکمې د عالي مقام د حکم پربنسټ، یو شمېر هغه محبوسین چې د زندانونو چارو د سمون ادراې په هڅو یاد زندان کې چې په دیني، عصري، او حرفوي زده کړو کې یې پوره ونډه اخیستې او بریالي شوي وو، خوشې او ځېنې نور د حبس په موده کې له تخفیفه برخمن شول.
د دې ولایت د زندان مسوولین وايي، د دغه حکم له مخې د دې زندان (۱۹) تنو د حبس پاتې موده عفوه او خوشې شول او (۲۰) تنو نورو ته د حبس په موده کې تخفیف ورکړل شو.
پروان، بامیان:
بلخوا بیا، د پروان او بامیانو ولایتونو په زندانونو کې د ترجمې او تفسیر دوره پای ته ورسېده
د نوموړو ولایتونو د زندانونو مسوولینو په دې اړه جوړو شویو مراسمو کې د دیني زده کړو په ارزښت خبرې وکړې او له ګډونوالو یې وغوښتل چې د دیني زده کړو په برخو کې خپلې هڅې لا زیاتې کړي څو په مټ یې دینوي او اخروي ګټې ترلاسه کړي.
میدان وردګ
بل لور بیا، د میدان وردګ ولایت د زندان یو تن پایواز، زندان ته د موبایل د لېږد په تور ونیول شو
یو تن پایواز چې غوښتل یې یو مبایل د میدان وردګ ولایت زندان ته ولېږدوي، د دغه زندان د بیدارو امنیتي او کشفي ارګانونو له خوا د کره تلاشۍ پرمهال ترې کشف، ضبط او له لېږدوونکي سره یوځای د یوې دوسیې په ترڅ کې رسماً اړوندې برخې ته د لا نورو څېړنو لپاره وسپارل شول.
هلمند:
ورته مهال، د هلمند ولایت زندان کې د موټرو سرپټی تم ځای جوړ او ګټې اخیستنې ته وسپارل شو
د هلمند ولایت د زندان د مسوولینو وینا، یاد د موټرو سرپټی تم ځای د ادارې په مالي لګښت د باتجربه کاري ټېم له لوري په ډېره کمه موده کې په اساسي ډول جوړ شوی چې موخه ترې د ادارې وسایط له لمر، باران او نورو طبیعي افتونو خوندي ساتل دي.
رمضان المبارک ۲۷/ ۱۴۴۶
د مقام د دفتر ریاست
د اطلاعاتو او عامه اړیکو امریت
