د زندانونو چارو د سمون ادارې ملکي او نظامي پرسونل ته د ظرفیت لوړونې په موخه د ښوونیز مسلکي کورس دوره پیل شوه
په دې اړه جوړو شویو مراسمو کې، د مقام دفتر رئیس محترم قاري رحمت الله"ګلزاد"په داسې حال کې، چې د کارکوونکو چارو رئیس محترم مولوي ضیاءالرحمن "سعید"، د ښوونې او بیا روزنې رئیس محترم مولوي نظر محمد "ناصري"، د معلوماتي ټیکنالوژۍ رئیس محترم چهاریقل "ادیب"، د تدارګاتو رئیس محترم میر محمد "مجدود"او د ادارې یوشمېر نورو ملکي او نظامي مسوولینو شتون درلود، د علم پر ارزښت خبرې وکړې او د کورس ګډونوالو ته په خبرو کې وویل: « د چارو په ترسراوي کې په پوره اخلاص او صداقت سره خپلې مټې راونغاړئ او په ګډه د هېواد د ابادۍ اوسوکالۍ لپاره نه ستړې کېدونکې هلې ځلې وکړئ».
داراز، د دې ادارې د کارکوونکو چارو رئیس وویل: د رهبرۍ موخه دا ده چې ملکي او نظامي پرسونل په مسلکي توګه وروزل شي او زده کړې وکړي.
محترم مولوي سعید د یاد روزنیز او ښوونیز کورس له ګډونوالو څخه وغوښتل چې له دې شته فرصت څخه ګټه پورته کړي څو چارې یې پرته له خنډ او ځنډ ترسره شي.
دغه کورس چې د ادارې ملکي او نظامي پرسونل د پوهې لوړونې په موخه نن پیل شو د (۹۰) ورځو په اوږدو کې به د اداري، مدیریتي، انګلیسي ژبې او کامپیوټر په برخو کې زده کړې ورکړل شي.
صفر المظفر ۲۹/ ۱۴۴۷
د مقام د دفتر ریاست
د اطلاعاتو او عامه اړیکو امریت
