د سره صلیب نړیوالې کمېټې له لوري د زندانونو چارو د سمون ادارې سره د یو عراده ټراکټور مرسته وشوه
د سره صلیب نړیوالې کمېټې له لورې او د اقتصادي برنامو او ستراتېژیکو اړیکو ریاست په هڅو نوموړې ادارې سره د زراعت په برخه کې د همکارۍ او ملاتړ په موخه د یو عراده ټراکټور مرسته وشوه
یاد ټراکټور به د څرخي پله د مرکزي زندان د ګارنېزیون دننه انګړ کې د کرنیزو ځمکو د زراعت د ودې، سبزیجاتو او نورو کرنیزو محصولاتو د تولید او زندانیانو د بوختیاوو په موخه به وکارول شي.
داراز، د اقتصادي برنامو او ستراتېژیکو اړیکو رئیس محترم عبیدالله "اخلاص" د یادې مرستو هرکلی وکړ او د سره صلیب له دوامدارو همکارۍ څخه د مننې ترڅنګ وویل؛ د کرنیزو پروګرامونو پراختیا نه یوازې د زندانیانو د اړتیاو پوره کولو کې مرسته کوي بلکې، د هغوی د مسلکي زده کړو او د ژوند د ښه راتلونکي لپاره ګټور تمامیږي.
همداراز، د سره صلیب مسوولینو ډاډ ورکړ، چې نوموړې ادارې سره به خپلې بشري او تخنیکي همکاري دوامداره وساتي.
ربېع الاخر ۱۳/ ۱۴۴۷
د مقام د دفتر ریاست
اطلاعاتو او عامه اړیکو امریت
