د زندانونو چارو د تنظیم ادارې د کارکوونکو چارو نوی رئیس وټاکل شو
د زندانونو چارو د تنظیم ادارې د رهبرۍ په وړاندیز او د ا.ا.ا د ریاست الوزراء عالي مقام په منظورۍ د کارکوونکو چارو نوی رئیس وټاکل شو.
په دې اړه جوړو شویو مراسمو کې، د زندانو چارو د تنظیم ادارې د پالېسۍ او مسلکي چارو مرستیال محترم الحاج قاري محمد بلال "فاتح" په داسې حال کې، چې د دې ادارې د مالي او اداري عمومي رئیس محترم مولوي عبدالهادي "مالي اخندزاده"، د مقام د دفتر رئیس محترم قاري رحمت الله"ګلزاد"، د نظامي چارو معاونیت د ارکان رئیس محترم پاسوال الحاج اسدالله "مولانا"، له عدلي او قضایي اورګانونو سره د اړیکو رئیس محترم مولوي عبدالله "حقیق"، د کابل ولایت د توقیفخونو رئيس محترم الحاج مولوي عبدالمالک "خاکسار"، د خدماتو رئیس محترم مولوي سید ولي "عبد الله"او یو شمېر نورو مسوولینو هم شتون درلود، محترم مولوي عبدالله "همدرد" د یادې ادارې د کارکوونکو چارو نوي رئیس په توګه اړوند ملکي او نظامي پرسونل ته معرفي شو.
داراز، د پالېسۍ او مسلکي چارو مرستیال محترم الحاج قاري محمد بلال "فاتح" د خبرو پرمهال له پخواني رئیس څخه مننه وکړله او د هغه تېر خدمتونه او لاسته راوړنې یې وستایلې او نوي رئیس ته د مبارکۍ ویلو ترڅنګ ترې وغوښتل چې په اړوندو چارو کې له یو بل سره پوره همغږۍ او همکارۍ په درلودلو سره د چارو د پرمخ وړلو لپاره نه ستړې کېدونکو هلوځلو ته دوام ورکړي.
په ورته وخت کې، نوي ګومارل شوي رئیس محترم مولوي عبدالله همدرد د زندانونو چارو د تنظیم ادارې له رهبرۍ څخه پر هغه د دې باور له امله په مننې سره زیاته کړله: که څه هم دا د دوی لپاره یو دروند بار او مسوولیت دی، نو هڅه به وکړو چې راسپارل شوي مسوولیتونه په پوره امانتدارۍ او ریښتینوالی سره ترسره کړو.
ربیع الاول ۸/ ۱۴۴۸
د مقام د دفتر ریاست
د اطلاعاتو او عامه اړیکو امریت
