د زندانونو چارو د سمون ادارې د رهبرۍ په ناسته کې د ځینو مهمو مسایلو په اړه خبرې او پرېکړې وشوې
دغه ناسته، چې د نوموړې ادارې د عمومي رئیس محترم مولوي محمد یوسف "مستري" په مشرۍ او د ادارې د پالېسۍ او مسلکي مرستیال محترم قاري عبدالله "همدرد"، نظامي مرستیال محترم پاسوال قاري حبیب الله " بدر"، د مقام سلاکار محترم مولوي اسدالله "مولانا" او د مرکزي برخو یو شمېر رئیسانو، امرینو او ملکي او نظامي برخو ځینو مسوولینو په ګډون جوړه شوې وه، په کې اړوندو مسوولینو دوی ته د تېرې ناستې پرمهال د سپارل شویو مسولیتونو د ترسراوي او پرمختګ پرڅرنګوالي خپل معلومات له ګډونولو سره شریک کړل، چې د ادارې د رهبرۍ له خوا یې په مناسب وخت کې په بشپړه توګه د سرته رسولو په هکله لازمې لارښوونې وشوې.
داراز، په دې ناسته کې د هېواد د ټولو زندانونو د ستونزو او اړتیاوو په اړه هراړخیز بحث وشو او د حل لپاره یې د ګټورو او اسانو حللارو لټولو او عملي کولو په موخه اصولي او قانوني پرېکړې وشوې.
داراز، د نوموړې ناستې په ترڅ کې یو شمېر مسوولینو هم په اجنډا کې د شاملو موضوعګانو په اړه خپل نظرونه تبادله کړل، چې د زندانونو چارو د سمون ادارې د عمومي رئیس محترم مولوي محمد یوسف مستري له خوا یې تر اورېدو وروسته لازم هدایات ورکړل شول.
د یادونې وړ بولو، چې د رهبرۍ ناستې هره اونۍ یوځل او په دوامداره توګه ترسره کېږي.
رجب المرجب ۷/ ۱۴۴۴
د اطلاعاتو او عامه اړیکو ریاست
