د خوست ولایت د زندان نوی امر وگمارل شو
د زندانونو چارو د سمون ادارې د پالېسۍ او مسلکي چارو د مرستیال محترم قاري عبدالله "همدرد" په مشرۍ او د خدماتو د رئیس محترم مولوي عبدالمالک "خاکسار"، له عدلي او قضايي اورګانونو سره د اړيکو رئیس محترم مولوي عبدالله "حقیق" او د پالېسۍ او مسلکي چارو معاونیت د دفتر امر محترم خلیل الله "بکتاش" په ګډون څلور کسيز پلاوي خوست ولایت ته د خپل سفر په ترڅ کې د دې ولایت د زندان پرسونل او مسوولينو ته محترم مولوي ذبیح الله "طلحه" د نوي امر په توګه معرفي او د دعا په کولو یې د خدای(ج) له درباره ورته په چارو کې د بریا او پرمختګ هیله وکړه.
همداشان، محترم همدرد د یاد امریت له پرسونل څخه له نوي امر سره د پوره همکارۍ او چارو ښه پرمخ وړلو توصیه وکړه، چې د نوموړي پرسونل له خوا هم د دوی له اړخه د هرراز همکارۍ ژمنه وشوه.
همداراز، محترم قاري همدرد په مشرۍ پلاوي د یاد زندان مسوولينو سره په لیدنه کې د دوی د ځېنو ستونزو د حل په تړاو لازمې لارښوونې وکړې او له دوی څخه یې وغوښتل څو له زندانیانو سره د ښه چلند ترڅنګ د هغوی ستونزو ته هم پر وخت رسېدنه وکړي.
داراز، پلاوي د نوموړي ولایت له زندانیانو سره په کتنه کې د هغوی ستونزي او غوښتنې له نږدې واورېدې، چې دغو زندانیانو له دوی سره د مسوولینو چلند ښه یاد کړ او د خپلو جرمي دوسیو د ژر څېړلو غوښتنه یې وکړه.
په پای کې، محترم قاري همدرد په مشرۍ پلاوي د خوست ولایت د زندان اداري شعبې، د تلاشۍ ځایونه، د سکن ماشینونو او د زندانیانو لپاره د خوړ ( اعاشې) اباتې، پخلنځی، برېښنا، تعمیراتي او روغتیایي چارې له نږدې ولیدلې او د شته ستونزو د حل لپاره یې اړوندو مسوولینو ته لارښوونې وکړې.
صفرالمظفر ۲۴/ ۱۴۴۵
د مقام د دفتر ریاست
د اطلاعاتو او عامه اړیکو امریت
