د زندانونو چارو د سمون ادارې يوه پلاوي د پکتیکا ولایت له زندانه لیدنه وکړه
د زندانونو چارو د سمون ادارې د عمومي رئیس محترم مولوي محمدیوسف "مستري" په سپارښتنه، د ادارې د څارنې او ارزونې ریاست د فعالیتونو او ارزونې امر محترم احسان الله "هوتک" په مشرۍ یو پلاوی پکتیکا ته په سفر ولاړ او هلته یې د یاد ولایت د زندان د تطبیقي او تفصلي پلانونو څخه څارنه او ارزونه ترسره کړه.
داراز، پلاوي د نوموړي زندان ټولې اداري او تخنیکي چارې ارزولي او د زندانیانو د ستونزو حلولو، لازمو اسانتیاوو برابرولو او روا غوښتنو ته د رسېدنې په اړه يې معلومات راټول او له هغوی سره یې ژمنه وکړه ، چې د زندانونو چارو د سمون ادارې رهبري به پرې خبروي، څو یې په مرکز کې حل لاره پیدا او په اړه یې مناسبه پرېکړه وشي.
په پای کې، د نوموړي پلاوي له لورې د یاد زندان کارکونکو ته یو میاشتیني او ربع وار فارمټ راپور په اړه د عامه پوهاوي سیمینار هم ترسره شو.
ربیع الاول ۲۷/ ۱۴۴۵
د مقام د دفتر ریاست
د اطلاعاتو او عامه اړیکو امریت
