د میدان وردګ ولایت په زندان کې له درې میاشتني روزنیز او مسلکي کورس څخه (۲۰) تنه نظامي پرسونل فارغ شول
د نوموړي زندان امر محترم مولوي صلاح الدین په دې اړه د جوړو شویو مراسمو پرمهال وویل، یاد کورس کې د دې زندان نظامي او امنیتي پرسونل ته د بندیانو د ساتلو، محکمو ته د هغوی د لېږدولو، د بندیانو د بلوا او شورش د کابو کولو، د زندانیانو د انساني او شرعي حقونو رعایتولو او د نظامي نظم او ډېسپلین په پام کې نیولو اړوند لازمې مسلکي زده کړې او روزنې ورکړل شوې.
داراز، د نوموړي کورس ښوونکو او روزونکو د خوښۍ په څرګندولو سره یاد کورس د میدان وردګ ولایت د زندان د امنیتي او نظامي پرسونل د وړتیا لوړلو لپاره یو مثبت ګام وباله او له هغوی یې مننه وکړه چې په ډېرې لېوالتیا یې په دې کورس کې ګډون وکړ.
د دغو مراسمو په پای کې یادو فارغانو ته ستاینلیکونه او ډالۍ ورکړل شوې.
ذوالقعدة الحرام/۱۱/ ۱۴۴۵
د مقام د دفتر ریاست
د اطلاعاتو او عامه اړیکو امریت
