د زندانونو چارو د سمون ادارې د نظامي مرستیال د بامیان ولایت د زندان چارې وارزولې
محترم لوی پاسوال قاري حبیب الله " بدر" په مشرۍ پلاوي د بامیان ولایت د زندان د چارو د ارزونې ترڅنګ د دې ولایت د زندان له مسوولینو سره پر اړوندو مسایلو خبرې وکړې.
داراز، پلاوي د یاد زندان له مسوولینو سره په خبرو کې د زندانیانو په ښې ساتنې او پالنې کې د هغوی نه سټړې کېدونکې هلې ځلې وستایلې او د نوموړو لپاره یې د لانورو غوره خدمتونو وړاندې کولو لارښوونه وکړله.
همداشان، د نظامي چارو مرستیال په مشرۍ پلاوي ، د دې ولایت د زندان ملکي او نظامي پرسونل او زندانیانو سره له نږدې ولیدل د هغوی غوښتنې یې واورېدې او د حل په موخه یې اړوندو مسوولینو ته لارښوونه وکړله څو یې ستونزو او غوښتنو ته په وخت رسېدنه وکړي.
همداراز، پلاوي د نوموړي زندان د پرسونل او زندانیانو د خوړو (اعاشې)، اباتې، پخلنځي، تعمیراتي او روغتیايي چارو وضعیت له نږدې وارزاوه او د ستونزو حلولو، لازمو اسانتیاوو برابرولو او روا غوښتنو ته د رسېدنې په موخه اړوندو مسوولینو ته لازمې لارښوونې وکړې.
همداشان، د نظامي چارو مرستیال په مشرۍ پلاوي د بامیان ولایت د زندان له امنیتي قراولونو، ټاورونو، او امنیتي پوستو څخه په جلا جلا توګه لیدنه وکړه او د زندانیانو د امنیت د لا ټینګښت په موخه یې امنیتي مسوولینو ته یولړ سپارښتنې هم وکړې.
رمضان المبارک ۲۳/ ۱۴۴۶
د مقام د دفتر ریاست
اطلاعاتو او عامه اړیکو امریت
