د اقتصاد وزارت او د زندانونو چارو د سمون ادارې ترمنځ ګډه ناسته ترسره شوه
په دې ناسته کې چې د اقتصاد وزارت سرپرست محترم قاري دین محمد "حنیف"، د موسساتو د انسجام رئیس محترم مفتي عبدالسلام "اشرفي"، د زندانونو چارو د سمون ادارې د مقام دفتر رئیس او د دې ادارې د ښوونې او بیا روزنې رئیس محترم مولوي نظر محمد "ناصري" ګډون درلود، دواړو لوریو د نوموړې ادارې لپاره د مرستو په راجلبولو په مورد کې خبرې اترې وکړې.
په دې لیدنه کې محترم قاري دین محمد حنیف د زندانونو چارو د سمون ادارې مسوولينو ته ډاډ ورکړ چې د کورنیو او بهرنیو موسساتو څخه د مرستو په راجلبولو کې به هر راز همکاري وکړي.
په پای کې، د زندانونو چارو د سمون ادارې د مقام د دفتر رئیس محترم قاري رحمت الله ګلزاد د یاد وزارت د مرستو او همکاریو څخه د مننې ترڅنګ زیاته کړله، نوموړې اداره د زندانیانو د ښې ساتنې او پالنې په موخه د خپلو امکاناتو ترڅنګ تل هڅه کړې چې د کورنیو او نړېوالو بنسټو مرستې راجلب کړي.
ذوالقعدة الحرام ۳۰/ ۱۴۴۶
د مقام د دفتر ریاست
د اطلاعاتو او عامه اړیکو امریت
