د کابل څرخي پله مرکزي محبس د سلب د ازادۍ پر ځایونو څارنې لپاره نوی امر وټاکل شو
د کارکوونکو رئیس محترم مولوي ضیاءالرحمن "سعید" په داسې حال کې، چې د نوموړي محبس رئیس محترم مولوي عبدالمالک "خاکسار" او یو شمېر نور مسوولین ورسره وو، محترم خلیل الله "بکتاش" د څرخي پله مرکزي محبس د سلب د ازادۍ پر ځایونو د څارنې امر په توګه پرسونل ته معرفي کړ.
محترم مولوي سعید په دې اړه جوړو شویو مراسمو کې وویل؛ چې په اداره کې ادلون او بدلون د ښې حکومتوالۍ یو اصل دی او زیاته یې کړه« زه هیله مند یم چې محترم "بکتاش" به خپل لاس لاندې کارکوونکو سره د ښه چلند ترڅنګ د چارو پر مخ وړلو کې نه ستړې کېدونکې هلې ځلې کوي».
داراز، د کارکوونکو رئیس د مخکیني امر کړنې او فعالیتونه وستایل او د یاد امریت د پرسونل څخه یې له اوسني مسوول سره د همکارۍ او په ګډه د چارو ښه پرمخ وړلو غوښتنه وکړه.
په ورته وخت کې، د نوموړي امریت نوي امر محترم خلیل الله "بکتاش" د زندانونو چارو د سمون ادارې له رهبرۍ څخه پر هغه د باور کولو مننه وکړه او ژمنه یې وکړه، چې د ادارې له لوري ورسپارل شوي مسولیتونه به په پوره رېښتینولۍ پر مخ وړي.
صفر المظفر ۵/ ۱۴۴۷
د مقام د دفتر ریاست
د اطلاعاتو او عامه اړیکو امریت
