ولایتي خبرونه (غزني، جوزجان) د غزني ولایت د زندان له لورې د ماشومانو د اصلاح او روزنې مرکز د جوړېدو چارې روانې دي
د دې ولایت د زندان مسوولینو په وینا؛ د زندانونو چارو د سمون ادارې په همغږۍ او مالي مرستې سره د یاد مرکز ودانیزې چارې پیل شوي، چې موخه یې د محجوزو ماشومانو لپاره یو ښه، مصئون او خوندي چاپېریال برابرول دي.
داراز، یاد مرکز چې د محبس اړوند د هغوی استوګنې او ساتنې اړتیاوو پوره کولو لپاره جوړیږي، پکې دوه خونې او ور سره د همدې خونو د مخې دیوال، حمام، تشناب او کانکریټ اچولو ترڅنګ د اودسونو ځای جوړول شامل دي.
د یو بل خبر له مخې، د جوزجان ولایت د زندان د زندانیانو د روغتیا ساتنې او هغوی ته د خوندي چاپیریال برابرولو په موخه د نوموړي زندان د خونو پاکاري ترسره شوه.
صفر المظفر ۹/ ۱۴۴۷
د مقام د دفتر ریاست
د اطلاعاتو او عامه اړیکو امریت
