د سرپل ولایت د زندان له محبوسینو، محجوزینو او توقیفیانو څخه د (الحق المبین) تر نامه لاندې کتاب ازموینه واخیستل شوه
د دې ولایت د زندان مسوولینو په وینا، د نوموړي زندان محبوسینو، محجوزینو او توقیفیانو ته څه موده وړاندې د الحق المبین کتاب ورکړ شوی و، چې د اړوندو مسوولینو له لورې په شفافه توګه ترې ازموینه واخیستل شوه.
د یاد ولایت د زندان مسوولین زیاتوي: د یادې ازموینه څخه یې موخه د ګډونوالو د پوهې لوړول، ذهني ودې او د مطالعې دودول دي.
د زندانونو چارو د سمون اداره تل هڅه کوي، چې د زندانیانو د ښې روزنې او پالنې لپاره په زندانونو کې مسوولین لازیات متوجې کړي، څو دوی وکولای شي پر مټ یې په راتلونکې کې خپلې کورنۍ او ټولنې ته د ښه خدمت وړ وګرځي.
صفر المظفر ۱۳/ ۱۴۴۷
د مقام د دفتر ریاست
اطلاعاتو او عامه اړیکو امریت
