د هرات ولايت له زندانه (۱۴۲) زندانيان د فراه ولايت زندان ته ولېږدول شول
دا هغه افغان زندانيان دي، چې تېره ورځ د ا.ا.ا. د چارواکو او د زندانونو چارو د سمون ادارې د رهبرۍ په هڅو له ايران سره د هوکړې پربنسټ له دغه هېواده د افغانستان هرات ولايت زندان ته رالېږدول شوې وو، د پنجشنبې پرشپه ناوخته د لازمو امنيتي تدابيرو په نيولو سره د فراه ولايت زندان ته راوستل شول.
د زندانونو چارو د سمون ادارې دا ګام د بنديانو په خوښه پورته کړی، څو دوی وکولی شي په خپلو اړوندو ولايتونو کې چې د دوی کورنۍ او دوستان اوسېږي او د پايوازۍ پر ورځو په اسانۍ له يو بل سره وګوري.
شعبان المعظم ۱۶/ ۱۴۴۴
د اطلاعاتو او عامه اړيکو امریت
