د پکتیکا ولایت د یحی خېلو ولسوالۍ توقیفخونه فعاله او ګتې اخیستنې ته وسپارل شوه
د زندانونو چارو د سمون ادارې د عمومي رئیس محترم مولوي محمدیوسف "مستري" په سپارښتنه او اړتیا ته په کتو سره سم، د پکتیکا ولایت د یحی خېلو ولسوالۍ توقیفخونه د دې ولایت د زندان امر محترم مولوي محمد هاشم "حقاني" په هڅو فعاله او د یو لړ مراسمو په ترڅ کې ګټې اخیستنې ته و سپارل شوه.
په ورته وخت کې، محترم مولوي حقاني په خپلو خبرو کې زیاته کړه چې نوموړې توقیفخونه په معیاري ډول جوړه او تر لسګونو تنو پورې د توقیفیانو د ساتنې ظرفیت لري چې تر ډیره بریده به د یادې ولسوالۍ د توقیفیانو ستونزې هوارې او چارو ته به یې پر وخت رسېدنه کیږي.
داراز،محترم حقاني د دې ولایت د خیرکوټ او جانیخیل ولسوالیو له توقیفخونو څخه هم لیدنه وکړه او مسوولینو ته یې د توقیفیانو د ساتنې او د هغوی د محاکماتي چارو د چټکوالي تر څنک د لانورو لازمو اسانتیاوو برابرولو لارښونه وکړه.
ربیع الثاني ۸/ ۱۴۴۵
د مقام د دفتر ریاست
د اطلاعاتو او عامه اړیکو امریت
