د زندانونو چارو د سمون ادارې نظامي مرستیال په مشرۍ پلاوي د بدخشان ولایت له زندانه لیدنه وکړله
د دې ادارې د نظامي چارو مرستیال محترم لوی پاسوال قاري حبیب الله "بدر" په داسې حال کې چې د نظامي معاونیت د ارکان رئیس محترم پاسوال الحاج اسدالله"مولانا"، د ښوونې او بیا روزنې رئیس محترم مولوي نظر محمد "ناصري"، د اقتصادي برنامو او ستراتېژیکو اړیکو رئیس محترم عبیدالله "اخلاص"، مالي او حسابي رئیس محترم حکمت " مشعل "، د کشف معاون، د شخصیتي دوسیو، مخابرې او اوپراسیون امرینو یې هم ملتیا کوله، بدخشان ولایت ته د خپل سفر په ترڅ کې د یاد ولایت د زندان مسوولینو سره پر اړوندو مسایلو خبري وکړې.
دا راز، د نظامي چارو مرستیال په مشرۍ پلاوي د دې ولایت د زندان ملکي او نظامي پرسونل او زندانیانو سره په جلا جلا ټوګه ولیدل د هغوی ستونزې او غوښتنې واورېدې او هواري په موخه یې اړوندو مسوولینو ته سپارښتنه وکړه چې د نوموړو ستونزو او غوښتنو ته په وخت رسېدنه وکړي.
همدا شان، محترم لوی پاسوال قاري حبیب الله بدر په مشرۍ پلاوي د دغه زندان د پرسونل او زندانیانو لپاره د خوړو (اعاشې) اباتې، پخلنځي، صنعتي، کانتین او روغتیايی برخو څخه د لیدنې ترڅنګ د امنیتي ټاورونو، قراولونو، پوستو او نورو امنیتي برخو وضعیت له نږدې وارزاوه او د امنيتي تدابیرو لا ښه والي لپاره یې اړوندو مسوولینو ته لازمې سپارښتنې وکړې.
محرم الحرام ۷/ ۱۴۴۷
د مقام د دفتر ریاست
د اطلاعاتو او عامه اړیکو امریت
