د زندانونو چارو د سمون ادارې نظامي مرستیال د دې ادارې د نظامي ښوونې او روزنې واحد قوماندانۍ د روزنیز او مسلکي کورس له روان بهیر څخه ارزونه وکړله
د نظامي چارو مرستیال محترم لوی پاسوال قاري حبیب الله" بدر" د نوموړي تعلیمي مرکز د روزنیز او مسلکي کورس د نظامي برخې ګډونوالو زده کوونکو ته په خپلو خبرو کې زیاته کړله، کوښښ کوو چې ملکي او نظامي پرسونل د ښوونیزو او روزنیزو بېلابیلو برنامو له لارې داسې وروزو څو یې کاري وړتیا لوړه او ورسپارل شوي مسوولیتونه په پوره رېښتینولۍ او زړورتیا سره ترسره کړي.
همداشان، نظامي مرستیال د یاد کورس ګډونوالو نظامي مسوولینو ته سپارښتنه وکړله چې نظم او ډسپلین مراعات او له نظامي یونوفورم څخه په استفادې بېرته چارو ته پر ورستنېدو له زندانیانو سره لا نور هم ښه چلند وکړئ، هغوی ته د دیني، عصري او حرفوي زده کړو زمینه برابره او د انساني او شرعي حقونو په خویندیتوب کې جدي پاملرنه وکړئ.
همداراز، د زندانونو چارو د سمون ادارې نظامي مرستیال د نوموړي کورس له استادانو څخه وغوښتل، چې په کورس کې د ګډونوالو د ښې روزنې لپاره خپلې هلې ځلې لازیاتې او د مربوطه چارو په هکله ورته لازمې لارښوونې وکړي.
داراز، محترم بدر د نوموړي قومندانئ له پخلنځي څخه هم لیدنه وکړله او د غذايي توکو د کیفیت او د پخولو د څرنګوالي په اړه یې له اړوندو مسوولینو او پخوونکو سره خبرې وکړې او هغوی ته یې د خوړو د کیفیت د لاښه کولو او د پاکۍ او نظافت پر پام کې نیولو ټینګار وکړ.
رمضان المبارک ۱۰/ ۱۴۴۶
د مقام د دفتر ریاست
د اطلاعاتو او عامه اړیکو امریت
