د بلخ ولایت د ماشومانو د اصلاح او روزنې مرکز کې محجوزینو ته د ښوونې او بیا روزنې برسېره د ژوندانه ټولې اسانتیاوې برابرې شوي
د بلخ ولایت د زندان رئیس محترم مولوي کمال الدین "زاهد" وویل چې د زندانونو چارو د سمون ادارې د رهبرۍ په هڅو او د یاد زندان د مسوولینو په همکارۍ د یاد مرکز محجوزینو لپاره د هغوی د شرعي او انساني حقونو مراعاتولو او پام کې نیولو ترڅنګ نور اړین خدمات ترسره شوي.
محترم مولوي زاهد زیاتوي، چې د یاد ریاست د مسوولینو له لورې د یاد مرکز محجوزینو ته د لا غوره چوپړتیاوو برابرولو او لا نورې ښې پاملرنې او هغوی د اصلاح په موخه د یاد مرکز له لورې د برابرو شویو ګټورو ښوونیزو، روزنیزو، حرفوي او ورزشي برنامو ترڅنګ، د نوموړي مرکز پر محجوزینو نوي توشکونه، بالښتونه، ورزشي جامې، د حفظ الصحیې توکي او د اړتیا وړ اړین وسایل ویشلي دي.
ربیع الاول ۲۵/ ۱۴۴۷
د مقام د دفتر ریاست
د اطلاعاتو او عامه اړیکو امریت
