د تخار ولایت د زندان لپاره نوی امر په دنده وګومارل شو
د زندانونو چارو د سمون ادارې د عمومي رئیس محترم مولوي محمدیوسف"مستري" په سپارښتنه د محترم مولوي عبدالفتاح "فاتح" په مشرۍ یوه پلاوی تخار ته په سفر ولاړ، او د ادارې له اړتیا سره سم یې محترم قاري نور احمد د تخار ولایت د زندان د نوي امر په توګه د زندان پرسونل ته معرفي او نوموړي رسماً په دې بست کې خپله دنده پیل کړه.
داراز، پلاوي په دې اړه د جوړو شویو مراسمو پر مهال، د نوموړي ولایت د زندان د مخکیني مسوول کړنې او فعالیتونه وستایل او د یاد زندان له ملکي او نظامي پرسونل څخه یې له اوسني مسوول سره د ګډې همکارۍ غوښتنه او په چارو کې یې ورته د بریاوو هیله وکړه.
د یادونې وړ بولو، چې محترم قاري نور احمد تر دې وړاندې د تخار ولایت د زندان امنیتي مرستیال و.
رجب المرجب ۱۰/ ۱۴۴۴
د اطلاعاتو او عامه اړیکو ریاست
