د زندانونو چارو د سمون ادارې د مالي او اداري عمومي رئیس د اړوندو مالي برخو له مسوولینو سره په ناسته کې پر مهمو مالي مسایلو بحث وکړ
د زندانونو چارو د سمون ادارې د مالي او اداري عمومي رئیس محترم مولوي عبدالهادي "مالي اخندزاده" د ادارې د مالي او حسابي رئیس محترم مشعل "حکمت"، د تدارکاتو رئیس محترم میرمحمد "مجدود"، د صحیې رئیس محترم ډاکټر سیداحمد "اسحاقزي"او یو شمېر نورو مربوطه مسوولینو ترمنځ جوړې شوې ناستې په ترڅ کې د (۱۴۰۳) مالي کال د ځانګړې شوې بودیجې پرځای کارولو،کمبود او یو شمېر نورو اړوندو مسایلو په اړه هراړخیز بحث او لازمې سلا مشورې وشوې.
همداشان، په یاده ناسته کې د محترم مولوي مالي اخند زاده له لوري د یو شمېر ستونزو د حل په موخه هم بحث وشو او په دې تړاو اړوندو مسوولینو ته د شرعي او قانوني اصولو په مطابق لازمې لارښوونې وشوې.
جمادي الثاني ۲۷/ ۱۴۴۶
د مقام د دفتر ریاست
د اطلاعاتو او عامه اړیکو امریت
