د زندانونو چارو د سمون ادارې د مقام دفتر رئیس په مشرۍ پلاوي د کاپیسا ولایت له زندانه لیدنه وکړله
د دې ادارې د مقام دفتر رئیس محترم قاري رحمت الله"ګلزاد"، په مشرۍ پلاوي چې یو شمېر نورو مسوولین هم ورسره مل وو، تېره ورځ کاپیسا ته د خپل سفر په ترڅ کې د یاد ولایت د زندان مسوولینو سره پر اړوندو مسایلو خبرې وکړې.
تر هغې وروسته نوموړي د کاپيسا ولایت د زندان له زندانیانو سره هم ولیدل او د هغوی د ستونزو تر اورېدو وروسته یې وویل: « موږ هڅه کړې چې تاسو ته اصلاحي او روزنیز پروګرامونه عملي کړو، نو هیله لرو چې له یوې خوا دا ستاسو د اصلاح او بیا روزنې لامل شي او له بلې خوا ښه به دا وي چې په کې ونډه واخلئ او له بنده تر ازادېدو وروسته د یو سالم وګړي په توګه خپلې کورنۍ او ټولنې سره یو ځای شئ».
په ورته وخت کې، د یاد ولایت د زندان زندانیانو د نوموړي پلاوي پر ورتګ خوښي وښوده او له دوی سره د زندان د مسوولینو له خوا د ښه چلند له امله د رضایت په څرګند کړ.
په پای کې، د زندانونو چارو د سمون ادارې د مقام دفتر رئیس محترم قاري رحمت الله"ګلزاد"، په مشرۍ پلاوي د کاپيسا ولایت د زندان د مالي او اداري، صنعتي، تخنیک، لوژستیک، د ډوډۍ او خوړو پخولو، روغتیايي خدمتونو وړاندې کولو او تعمیراتي چارې په جلا جلا توګه له نږدې وارزاولې او د هغو د لا ښه والي په موخه یې اړوندو مسوولینو ته لازمې سپارښتنې وکړې.
ذوالحجه الحرام ۳/ ۱۴۴۶
د مقام د دفتر ریاست
د اطلاعاتو او عامه اړیکو امریت
