د زندانونو چارو د سمون ادارې د نظامي مرستیال په مشرۍ پلاوي د کابل ولایت له نشه یي توکو سره د مبارزې توقیفخونې څخه لیدنه وکړله
د زندانونو چارو د سمون ادارې نظامي مرستیال محترم لوی پاسوال قاري حبیب الله "بدر" په مشرۍ یوه پلاوي د کابل ولایت له نشه یي توکو سره د مبارزې توقیفخونې څخه د لیدنې پرمهال د یادې توقیفخونې له امر محترم مولوي عبداللطیف "سجاد" سره په اړوندو مسایلو خبرې اترې وکړې.
د دغې ادارې د نظامي چارو مرستیال د نوموړې توقیفخونې له توقیفیانو سره هم له نږدې ولیدل او د هغوی ستونزې او غوښتنې یې له نږدې واورېدې او د حل په موخه یې اړوند مسوولینو ته لازمې سپارښتنې وکړې.
داراز، پلاوي د دې توقیفخونې د توقیفیانو لپاره د خوړو (اعاشې)، اباتې، پخلنځي او روغتیايي چارو وضعیت له نږدې وارزاوه او د شته نیمګړتیاوو د بشپړولو او د لاښو چوپړتیاوو برابرولو په موخه یې اړوندو مسوولینو ته لازمې لارښوونې وکړې.
په پای کې، د نظامي چارو مرستیال محترم لوی پاسوال قاري حبیب الله بدر په مشرۍ پلاوي د کابل ولایت له نشه یي توکو سره د مبارزې توقیفخونې له امنیتي ټاورونو، قراولونو او امنیتي پوستو څخه په جلا جلا توګه لیدنه وکړله او د نوموړې توقیفخونې د لا خوندي چاپېریال د رامنځته کولو په په موخه اړوندو مسوولینو ته لازمې لارښوونې وکړې.
صفر المظفر ۱۹/ ۱۴۴۷
د مقام د دفتر ریاست
د اطلاعاتو او عامه اړیکو امریت
