د زندانونو چارو د سمون ادارې د نظامي چارو مرستیال د ادارې د معلوماتي ټکنالوژۍ او مخابرې ریاست له مسوولینو سره ولیدل
لوی پاسوال محترم قاري حبیب الله "بدر" نن(یکشنبې) د ادارې د معلوماتي ټکنالوژۍ او مخابرې د رئیس محترم انجنیر عبیدالله "اخندزاده" او د دې ریاست له کارکونکو سره په لیدنه کې پر یو لړ تخنیکي مسایلو خبرې اترې وکړې.
داراز، محترم بدر نوموړو مسوولینو ته لارښونه وکړه څو د زندانیانو د امنیت لا خوندیتوب په موخه په زندانونو کې د امنیتي کېمرو او د سکن ماشینونو له جملې چې ځینې یې له کاره ولېدلي دي بېرته و رغول شي.
همداشان، نوموړي د ولایتونو سره د اړیکو او کاري اسانتیاوو په موخه د مخابرې د پوښښ ساحې پر پراخېدو ټنګار او په دې برخه کې یې اړوند مسوولینو ته لازمې لارښونې وکړې.
په ورته وخت کې، محترم اخندزاده د ادارې د نظامي چارو مرستیال ته په یادو برخو کې د رسېدنې د ډاډ تر څنګ له نوموړي څخه وغوښتل چې د تخنیکي پرسونل د وړتیا وړتیاوو لوړاوي په موخه ورته د تخنیکي سمینارونو زمینه برابر کړي .
صفر المظفر ۱۷/ ۱۴۴۵
د مقام د دفتر ریاست
د اطلاعاتو او عامه اړیکو امریت
