د زندانونو چارو د سمون ادارې رهبرۍ پلاوي په کابل کې د ایران اسلامي جمهوریت راغلي پلاوي سره ولیدل
د زندانونوچارو د سمون ادارې عمومي رئیس محترم الحاج مولوي محمد یوسف "مستري" په داسې حال کې چې د ادارې د نظامي چارو مرستیال محترم لوی پاسوال قاري حبیب الله "بدر"، په ایران کې د افغانستان سفیر محترم مولوي فضل محمد "حقاني"، د مقام د دفتر رئیس محترم قاري رحمت الله"ګلزاد"، د ښوونې او بیا روزنې رئیس محترم مولوي نظرمحمد "ناصري"، د اقتصادي برنامو او ستراتېژیکو اړیکو رئیس محترم عبیدالله "اخلاص" او یو شمېر نورو مسوولینو هم ګډون درلود، په کابل کې د ایران اسلامي جمهوریت له راغلي لوړ پوړي پلاوي سره چې مشري یې د عدلیې وزارت مرستیال وزیر ښاغلي عسکر"جلالیان" کوله ولیدل.
په دې لیدنه کې دواړو لوریو د ایران اسلامي جمهوریت څخه ا.ا.ا ته د زندانیانو د سپارلو او په منظمه توګه د هغوی د انتقال په اړه خبرې اترې وکړې.
داراز، د زندانونوچارو دسمون ادارې عمومي رئیس محترم الحاج مولوي محمد یوسف مستري د ایران د اسلامي جمهوريت څخه راغلي پلاوي ته ښه راغلاست و یلو تر څنګ زیاته کړه:« د زندانونو چارو د سمون ادارې نړېوالو څارونکو بنسټونو، سره صلیب او رسنیو ته د زندانیانو د لیدنو او د هغوي د وضعیت څخه د حال خبرونې په موخه زمینه مساعده کړې او له تاسو هم همدا هیله لرو څو په ایران کې د افغان زندانیانو له وضعیت څخه ډاډ ترلاسه کړو.
په همدې حال کې د ایران اسلامي جمهوريت څخه راغلي پلاوي د زندانونو چارو د سمون ادارې د نشه یې توکو سره د مبارزې له توقیفخونې او توقیفیانو څخه له نږدې لیدنه وکړه او د هغوی لپاره د برابرشویو اسانتیاوو او خدمتونو وړاندې کولو څخه یې خوښي څرګنده کړله.
همداراز، پلاوي د زندانونوچارو دسمون ادارې له رهبرۍ څخه د ښې همغږۍ په موخه مننه وکړله او زیاته یې کړله چې د ایران اسلامي جمهوریت به د خپلو همکاریو په لړ کې د ترسره شویو توافقاتو پر بنسټ له ایران څخه د افغان زندانیانو انتقال بهیر ته د دوام تر خوا به په دې تړاو د ا.ا.ا. سره لازمه همکاري وکړي.
په پای کې د زندانونو چارو د سمون ادارې له لوري راغلي پلاوي ته د زندانیانو لپاره د برابرو شویو سهولتونو، ښوونېزو پروګرامونو او حرفوي زده کړو وېډیویي رېپوټ وړاندې شو چې نوموړو هم د غوره چوپرتیاوو برابرولو په پار خوښي څرګنده کړله.
جمادي الاول ۱۴/ ۱۴۴۶
د مقام د دفتر ریاست
اطلاعاتو او عامه اړیکو امریت
