د زندانونو چارو د سمون ادارې سرپرست او د پالېسۍ او مسلکي چارو مرستیال د کابل ولایت له مرکزي توقیفخونې څخه ارزونه وکړله
د دې ادارې سرپرست او د پالېسۍ او مسلکي چارو مرستیال محترم الحاج محمد کاظم "طارق" په داسې حال کې چې، د ادارې مالي او اداري عمومي رئیس محترم مولوي عبدالهادي "مالي اخندزاده"، د کابل ولایت د توقیفخونو رئیس محترم قاري محمدګل "جګرخون"، د اقتصادي برنامو او ستراتېژیکو اړیکو رئیس محترم عبیدالله "اخلاص" او یو شمېر نورو مسوولین هم ورسره مل و، د کابل ولایت د توقیفخونې چارې وارزولې.
په ورته وخت کې، نوموړي د کابل ولایت د مرکزي توقیفخونې د توقیفیانو سره له نږدې ولیدل د هغوی وضعیت یې وارزوه چې هغوی هم د پلاوي په ورتګ د خوښۍ ترڅنګ د زندانونو چارو د سمون ادارې له لوري د برابرو شویو خدمتونو ستاینه وکړله.
همدا راز، د زندانونو چارو د سمون ادارې سرپرست او د پالېسۍ او مسلکي چارو مرستیال د روژې مبارکې میاشتې په پار د یادې توقیفخونې د توقیفیانو د غذایي توکو د کیفیت ارزولو په موخه د پخلنځي د غذايي توکو د کیفیت او د پخولو د څرنګوالي په اړه له اړوندو مسوولینو او پخوونکو سره خبرې وکړې او هغوی هم په دې اړه ورته لازم معلومات وړاندې کړل.
دغه راز، محترم الحاج طارق د یاد پخلنځي د خوړو د کیفیت د لاښه کولو او د پاکۍ او نظافت پر پام کې نیولو په هدف مسوولینو او پخوونکو ته لازمې لارښوونې وکړې او زیاته یې کړله چې توقیفیانو ته د لا ښو خدماتو وړاندې کولو په موخه لانورې هم لازمې اسانتیاوې برابرې کړي.
رمضان المبارک ۲۶/ ۱۴۴۶
د مقام د دفتر ریاست
د اطلاعاتو او عامه اړیکو امریت
