د زندانونو چارو د سمون ادارې نظامي مرستیال د کابل ولایت د څرخي پله له مرکزي توقیفخونې څخه لیدنه وکړله
د دغې ادارې د نظامي چارو مرستیال محترم لوی پاسوال قاري حبیب الله "بدر" او ورسره مل پلاوي یې د کابل ولایت د څرخي پله د مرکزي توقیفخونې له مسوولینو سره ولیدل او د توقیفیانو په اړوند مسایلو یې خبرې اترې او سلا مشورې وکړې.
داراز، د محترم قاري بدر په مشرۍ پلاوي د نوموړې توقیفخونې توقیفیانو سره هم له نږدې وکتل، د هغوی وضعیت یې وارزاوه چې توقیفیانو هم له دوی سره د مسوولینو چلند او هم له برابرو شویو چوپړتیاوو څخه خوښي څرګنده کړله.
همدا راز، پلاوي د نوموړې توقیفخونې مسوولينو ته د توقیفیانو لپاره د اسانتياوو پر لا زیاتولو او ستونزو او روا غوښتنو ته یې د رسېدنې په موخه لازمې سپارښتنې وکړې.
په پای کې د نظامي چارو مرستیال محترم لوی پاسوال قاري حبیب الله بدر په مشرۍ پلاوي د دې توقیخونې پخلنځی، تعمیراتي او روغتیايي چارې، امنیتي پوستې، ټاورونه او قراولونه وارزول او د شتو ستونزو د حل لپاره یې اړوند مسوولینو ته لازمې او د پام وړ لارښوونې وکړې.
ذوالقعده ۶/ ۱۴۴۶
د مقام د دفتر ریاست
د اطلاعاتو او عامه اړیکو امریت
