د سمنګان ولایت د زندان اداري پرسونل ته د عامه پوهاوي یو ورځینی ښوونیز سمینار پایته ورسېده
د یاد ولایت د زندان د مسوولینو په خبره، نوموړی سمینار چې د اداري اصلاحاتو او ملکي خدمتونو امریت او یاد زندان د کارکوونکو مدیریت سره په همغږۍ جوړ شوی و، د ارزیابۍ او د فورمونو ډکولو په اړه هر اړخیز معلومات وړاندې شول.
داراز، د یاد زندان مسوولینو د خپلو خبرو پرمهال دغه سمینار د دې زندان اداري کارکوونکو د چارو ښه والي لپاره غوره ګام وباله او د اداري اصلاحاتو او ملکي خدمتونو امریت له همکارۍ یې د مننې ترڅنګ، له نورو همکارو ملي او نړیوالو بنسټونو څخه هم په روزنیزو او نورو د اړتیا وړ برخو کې له دې زندان سره د همکارۍ غوښتنه وکړله.
په ورته وخت کې، د نوموړې ادارې مسوولنیو ژمنه وکړله، چې په راتلونکې کې به هم یاد زندان کې ورته ښوونیزې برنامې جوړې کړي.
شوال المکرم ۳۰/ ۱۴۴۶
د مقام د دفتر ریاست
د اطلاعاتو او عامه اړیکو امریت
