د غزني د زندان مدیر د یاد ولایت د عامې روغتیا او ادا موسسې رئیسانو سره وکتل
د غزني ولایت زندان مدیر ملا محمد هاشم "حقاني" په داسې حال کې، چې د دغې زندان طبي پرسونل هم موجود وو له یادو رئیسانو سره په خپل کاري دفتر کې وکتل او پراړوندو مسایلو یې خبرې اترې وکړې.
په ورته وخت کې، د ادا موسسې رئیس په دې کتنه کې د نوموړي زندان پرسونل او بندیانو لپاره د نوي روغتیايي کلینیک د جوړولو ژمنه هم وکړه، چې د زندان د مدیر له خوا د یادې موسسې د دې ګام هرکلی وویل شو.
محترم حقاني زیاته کړه، چې د یاد کلینیک په جوړولو سره به په دې زندان کې د پرسونل او په ځانګړې توګه د بندیانو لپاره د روغتیايي خدمتونو وړاندې کولو په برخه کې لانور ښه والی راشي.
صفر المظفر/۳۰/۱۴۴۴
د اطلاعاتو او عامه اړیکو ریاست
