د میدان وردګ ولایت په زندان کې د پرسونل او زندانیانو ترمنځ د والیبال دوستانه سیالۍ پیل شوې
د میدان وردګ ولایت د زندان مسوولینو وویل چې په نوموړي زندان کې د ورزش مینه والو زندانیانو او پرسونل د والیبال لوبډلو ترمنځ دوستانه سیالۍ پیل او درې ورځې به دوام وکړي.
د دې ولایت د زندان امر محترم مولوي محمد هاشم "حقاني" په وینا، د دې سیالیو څخه یې موخه د پرسونل او زندانیانو ترمنځ د یوې ښې سالمې فضا رامنځ ته کول دي، څو له یوې خوا زندانیان د خپګان احساس ونه کړي او له بلې خوا ورته د ورزش زمینه برابره شي او پرمټ یې روحي او جسمي روغتیا او سلامتیا ترلاسه کړي.
په ورته وخت کې، د میدان وردګ ولایت د زندان زندانیانو د یادو دوستانه سیالیو د برابرولو له امله مسوولینو څخه د مننې ترڅنګ ژمنه وکړه چې د زندان له خوا به په نورو جوړو شویو مثبتو پروګرامونو کې هم د تل په شان برخه واخلي.
محرم الحرام ۱۲/ ۱۴۴۷
د مقام د دفتر ریاست
د اطلاعاتو او عامه اړیکو امریت
