د پکتیکا ولایت په زندان کې یو کتابتون جوړ او ګټې اخیستنې ته وسپارل شو
د پکتیکا ولایت د زندان مسوولینو په وینا یاد کتابتون د زندانونو چارو د سمون ادارې په مالي لګښت جوړ او ګټې اخیستنې ته وسپارل شو.
د دې ولایت د زندان امر محترم مولوي محمد هاشم "حقاني" د یاد کتابتون د پرانیستو پر مهال د یاد زندان له زندانیانو څخه وغوښتل چې خپل وخت بې ځایه تیر نه کړې او د نوموړي کتابتون څخه په ګټې اخیستنې سره مطالعه وکړي.
په ورته وخت کې، زندانیانو د یاد کتابتون پر جوړیدو خوښي څرګنده کړه او ادارې څخه یې مننه وکړه چې د نورو اسانتاوو تر څنګ یې دوی ته یو کتابتون هم پرانیستو.
نوموړو زندانیانو ژمنه وکړه چې له یاد کتابتون څخه به په ډیرې لېوالتیا سره ګټه پورته کوي.
شوال المکرم ۷/ ۱۴۴۵
د مقام د دفتر ریاست
د اطلاعاتو او عامه اړیکو امریت
