د کابل ولایت د مرکزي محبس د محبوسینو لپاره د پخلنځي د بیا رغونې چارې پای ته و رسېدې
د زندانونو چارو د سمون ادارې تر چتر لاندې ودانیو ته د پاملرنې په ترڅ کې دا ځل د کابل ولایت د مرکزي محبس د محبوسینو لپاره د پخلنځي د بیا رغونې چارې په عصري او مجهزه توګه بشپړې او ګتې اخیستنې ته وسپارل شوې.
د دغې ادارې د تعمیراتو رئیس محترم حاجي عبدالرحمن "عابد"وايي، د کابل ولایت په مرکزي محبس کې یې د محبوسینو لپاره د پخلنځي رغنیزې چارې د زندانونو چارو د سمون ادارې په مالي ملاتړ او د اړوندو باتجربه کاري ډلې له لوري په ډېره کمه موده کې په اساسي ډول بشپړې کړي چې له امله به یې د دې محبس د محبوسینو لپاره د لازمو او د پام وړ اسانتیاوې رامنځ ته شي.
د یو بل خبر له مخې، د کابل ولایت له نشه یي توکو سره د مبارزې توقیفخونې د تو قیفیانو لپاره د لمریزې برېښنا یو منظم سیستم جوړ شو
د زندانونو چارو د سمون ادارې د رهبرۍ په هڅو او د هېواد زندانونو ته د پاملرنې په لړ کې، دا ځل د کابل ولایت له نشه یي توکو سره د مبارزې توقیفخونې کې د برېښنا د ستونزې د حل په موخه د لمریزې برېښنا یو منظم سیستم جوړ او ګټې اخیستنې ته وسپارل شو.
د نوموړې توقیفخونې مسوولینو د یاد سیستم فعالېدل د برېښنا د ستونزې د حل لپاره یوه لویه لاسته راوړنه وبلله او زیاته یې کړه چې له دې سره به هم د پرسونل او هم د توقیفیانو لپاره غوره خدمات رامنځ ته شي.
صفر المظفر ۳۰/ ۱۴۴۶
د مقام د دفتر ریاست
د اطلاعاتو او عامه اړیکو امریت
