د کونړ ولایت زندان لپاره نوی امر وټاکل شو
د زندانونو چارو د سمون ادارې له خوا مولوي نعمتالله "زيد" د کونړ ولایت د زندان د نوي امر په توګه معرفي او په رسمي ډول یې خپله دنده پیل کړله.
په دې اړه جوړو شویو مراسمو کې، د ننګرهار ولایت د زندان رئیس محترم مولوي سهیل "سعید" ګډونوالو ته د زندانونو چارو د سمون ادارې رسمي مکتوب ولوست.
محترم مولوي سعید په د ادارو کې تغییر او تبدیل د نظام یو مهم اصل یاد کړ او د مخکیني امر قاري فرهاد "نسیمي" کړنې وستایلې او نوموړي زندان له پرسونل څخه غوښتنه وکړله چې له نوي امر سره د کار په برخه کې بشپړه همکاري او همغږي ولري.
په پای کې محترم مولوي نعمتالله "زيد" ژمنه وکړله چې دغه دروند مسوولیت به په ریښتینولۍ او امانتدارۍ ترسره د خپلو مشرانو لارښوونې به په بشپړ ډول عملي کوي او د زندان چارو د لا ښه والي لپاره به هڅې روانې وساتي.
ربیع الاول ۱۵/ ۱۴۴۷
د مقام د دفتر ریاست
د اطلاعاتو او عامه اړیکو امریت
