مرکزي او ولايتي خبرونه( کابل، خوست، هرات، نیمروز، فراه) د پلازمیني کابل، خوست، هرات، نیمروز او  فراه ولایتونو له زندانونو څخه سلګونه کسان چې په دیني، عصري او حرفوي زده کړو کې یې برخه اخیستې او ښه ځلیدلي وو، خوشې او ځېنو زندانیانو ته د بند په موده کې تخفی

د زندانونو چارو د سمون ادارې د فرمانونو د پلې کولو امر محترم مولوي شهید الله "خالد" په وینا، یاد شمېر کسان د سترې محکمې د حکم په اساس د هغوی د نسبتي دوسیو له ارزونو وروسته ازاد او یو شمېر نورو زندانیانو ته د بند په موده کې تخفیف ورکړل شوی.

د معلوماتو له مخې، د سترې محکمې د حکم په اساس د دغه شمېر کسانو له ډلې د پلازمیني کابل څخه (۱۱۸)تنه خوشې او (۱۷۳) زندانیانو ته د بند په موده کې تخفیف ورکړل شو.

همداشان، د خوست ولایت له زندان څخه (۱۸۳)تنه خوشې او د (۲۸۷)تنو زندانیانو د بند په موده کې تخفیف ورکړل شو.

دغه راز، د هرات ولایت له زندان څخه (۱۶۵) تنه ازاد شول او د (۶۹) تنو زندانیانو د بند په موده کې تخفیف ورکړل شو .

د نیمروز ولایت له زندان څخه (۲۵) تنه خوشې او (۳۳) تنو زندانیانو د بند په موده کې تخفیف ورکړل شو او د فراه ولایت له زندان څخه (۵۰) تنه خوشې او (۴۵) تنو زندانیانو د بند په موده کې تخفیف ورکړل شو.

د نوموړو ولایتونو مسوولینو، د دوی د ازادېدو له امله مبارکي وویله او له هغوی یې وغوښتل، څو په راتلونکې کې داسې اعمال ترسره نه کړي چې د اسلامي شریعت او افغاني ټولنې د اصولو خلاف وي.

شعبان المعظم ۷/ ۱۴۴۶

د مقام د دفتر ریاست

د اطلاعاتو او عامه اړیکو امریت