ولایتي خبرونه(بادغیس، فاریاب) د بادغیس ولایت د زندان امر په مشرۍ یوه پلاوي د دې ولایت د جوند ولسوالۍ له توقیفخونې څخه ليدنه وکړه
د دې ولایت د زندان امر او مل پلاوي د نوموړي ولایت د جوند ولسوالۍ له توقیفخونې څخه د لیدنې پرمهال د یادې توقیفخونې له مسوولینو سره په اړوندو مسایلو خبرې وکړې.
داراز، پلاوي د نوموړې ولسوالۍ د توقیفخونې له توقیفیانو سره ولیدل او هغوی هم له نوموړي پلاوي څخه د دوی د وضعیت او حال د ارزونې له کبله د مننې تر څنګ خپلې ستونزې او غوښتنې شرېکې کړې چې د پلاوي له لورې د هغوی دې غوښتنو ته د رسېدنې، د هغوی د حقونو رعایتولو او ورته د لازمو اسانتیاوو د برارولو ژمنه وشوه.
په ورته وخت کې، پلاوي د یادې توقیفخونې مسوولینو سره په خبرو کې، د توقیفیانو د محکماتي چارو د لا اسانتيا او د نورو ښو خدماتو د رامنځ ته کولو په موخه لازمې لارښونې وکړې.
د یو بل خبر له مخې، د فاریاب ولایت په زندان کې د یوې ژورې څاه په کېندلو سره د دې ولایت د زندان د اوبو ستونزه هواره شوه.
د نوموړي ولایت د زندان د مسوولینو په وینا، یاده څاه چې د زندانونو چارو د سمون ادارې په مالي لګښت کېندل شوې له دې سره د زندانیانو د اوبو ستونزه هواره شوې ده.
محرم الحرام ۹/ ۱۴۴۶
د مقام د دفتر ریاست
د اطلاعاتو او عامه اړیکو امریت
