ولایتي خبرونه:( پروان- غزني) د پروان ولایت د عدلي او قضایي اورګانونو پلاوو د دې ولایت د زندان له مسوولینو سره ولیدل
تېره ورځ د دغه ولایت د عدلي او قضایي اورګانونو پلاوو د یاد زندان له مسوولینو سره ولیدل او د ا.ا.ا. عاليقدر مشرتابه (حفظه الله) له خوا د زندانیانو د سزا د عفوې او تخفیف اړوند د کوچني اختر په مناسبت د فرمان د پلي کولو په هکله یې ورسره خبرې اترې وکړې.
دا راز، یاد پلاوي د دې ولایت د زندانیانو د جرمي دوسیو او بند مودې تر ارزونې وروسته د نوموړو لیست ترتیب او هغوی ته یې ډاډ ور کړ چې د کوچني اختر د رارسېدو په پار د ا.ا.ا. عاليقدر مشرتابه (حفظه الله) د فرمان په صادرېدو سره به سم په شرایطو وړ زندانیانو له ډلې به ځېنو ته د قېد په موده کې تخفیف او ځېنې نور به خوشې شي.
دیو بل خبر له مخې، د غزني د زندان مسوولین زیاتوي، چې د روژې مبارکې میاشتې په رارسېدو سره سم د دغه ولایت له زندانیانو سره د همکارو بنسټونو له لورې د ۷۰۰ کېلو ګرامه خرما مرسته شوې چې نوموړو هم په روڼه توګه په نوموړو ووېشلې.
دا راز، د دې زندان رئیس محترم قاري عبدالغني "عادل"د یادې مرستې په موخه د مننې ترڅنګ په نورو داخلي او نړوالي همکارو بنسټونو هم غږ وکړ چې په دې مبارکې میاشت کې له زندانیانو سره خپلو مرستو او همکاریو ته دوام ورکړي.
رمضان المبارک ۴/ ۱۴۴۵
د مقام د دفتر ریاست
د اطلاعاتو او عامه اړیکو امریت
