د کابل ولایت د ماشومان د اصلاح او روزنې مرکز لپاره د دعوت او ارشاد نوي مسئول په کار پیل وکړ
د زندانونو چارو د سمون ادارې د دعوت او ارشاد رئیس محترم مولوي صدیق الله "صدیقي" له لورې نن(یکشنبې) په داسې حال کې چې د دې ادارې د پخواني بندي مجاهدینو د ریاست رئیس محترم مولوي عبدالوارث "سادات" او د ماشومانو د اصلاح او روزنې مرکز رئیس محترم مولوي شرافت الله" حقاني" هم ورسره وو، محترم مولوي عطاء محمد د کابل ولایت ماشومانو د اصلاح او روزنې مرکز د ارشاد او دعوت برخې د نوي مسئول په توګه رسماً معرفي او د خیر د دعا په کولو یې ورته په چارو کې د بریاوو هیله څرګنده کړه.
داراز، محترم مولوي صدیق الله صدیقي په خپلو خبرو کې د یاد مرکز له پرسونل څخه وغوښتل، څو د خپلو امرینو اطاعت وکړي او ځانونه په نبوي (ص) سنتو برابر، د ا.ا.ا. د عالیقدر مشرتابه (حفظه الله) د فرمان پر بنسټ پینځه وخته لمونځونه په جماعت سره ادا او خلپو دیني او عصري زده کړو ته د دوام ترڅنګ، په خپلو منځونو کې د ښو اخلاقو رعایتولو او په چارو کې د شرعي اوصولو په پام کې نیولو ته زیاته پاملرنه وکړي.
په ورته وخت کې، د کابل ولایت ماشومانو د اصلاح او روزنې مرکز د ارشاد او دعوت برخې نوي مسئول هم د زندانونو چارو د سمون ادارې د رهبرۍ له خوا ده ته د دې مسوولیت د سپارلو له کبله مننه وکړه او ویې ویل، چې دا مسوولیت ورته یو امانت دی او په پوره صداقت به یې ترسره کوي.
د یادولو ده، چې نوموړی به د دغه مسوولیت ترڅنګ د دې مرکز د جومات امامت هم کوي.
صفر المظفر ۷/ ۱۴۴۶
د مقام د دفتر ریاست
د اطلاعاتو او عامه اړیکو امریت
