د بامیان د زندان پرسونل او زندانیانو تر منځ د والیبال دوستانه سیالۍ پیل شوې
د دغه ولایت د زندان د مسوولینو په خبره، د نوموړي زندان د ورزش مینه والو زندانیانو او پرسونل د لوبډولو ترمنځ دوستانه سیالۍ پیل شوې چې په لړ کې یې د طلحه او شاهین لوبډولو ترمنځ لومړۍ لوبه ترسره شوه چې پایله کې طلحه لوبډلې سیالې لوبډلې ته د ۵ پر ۲ ماتې ورکره .
دغه سیالۍ چې د دې ولایت د بدني روزنې امریت سره په همغږۍ پیل شوې اته لوبډلې به په خپل منځ کې سره سیالۍ ترسره کړي.
باید یادونه وکړه چې دغو سیالیو موخه د پرسونل او زندانیانو ترمنځ د یوې ښې سالمې فضا رامنځ ته کول دي، چې له یوې خوا زندانیان د خپګان احساس ونه کړي او له بلې خوا ورته د ورزش زمینه برابره او پرمټ یې روحي او جسمي روغتیا او سلامتیا ترلاسه کړي.
جمادي الاول ۱۱/ ۱۴۴۶
د مقام د دفتر ریاست
د اطلاعاتو او عامه اړیکو امریت
