ولایتي خبر ( ننګرهار) د ننګرهار ولایت د زندان نظامي مدير په مشرۍ یوه پلاوي د دې ولایت د دره نور، بټي کوټ، غني خیل ، مهمندرې، او لعل پورې ولسوالیو له توقیفخونو څخه لیدنه وکړله او د یادو توقیفخونو مسوولینو سره په اړوندو مسایلو خبرې وکړې
د دې ولایت د نظامي مدیر په مشرۍ پلاوي د نوموړو توقیفخونو اداري چارې، امنیتي وضعیت، او د زندانیانو لپاره شته اسانتیاوې وڅیړلې.
دغه راز، پلاوي د یادو توقیفخونو، د حفظ الصحې، خوړو او نورو برخو په اړه هم معلومات ترلاسه کړل او د شته ستونزو هواري په موخه یې ورته لازمې لارښوونې وکړې.
په ورته وخت کې، پلاوي د یادو توقیفخونو توقیفیانو ستونزې له نږدې واورېدې او نوموړو ته یې ډاډ ورکړ چې د دوی ستونزې به اړوندو ادارو سره شریکې کړي.
په پای کې نوموړي پلاوي، د یادو توقیفخونو خدماتو څخه خپله خوښي وښوده او مسؤلینو ته یې د لا ښه مدیریت لپاره اړینې لارښوونې وکړې.
شعبان المعظم ۲۸/ ۱۴۴۶
د مقام د دفتر ریاست
د اطلاعاتو او عامه اړیکو امریت
