د زندانونو چارو د سمون ادارې سرپرست او د پالېسۍ او مسلکي چارو مرستیال د ادارې د یو شمېر ریاستونو له چارو څخه ارزونه وکړله
نن (دوشنبې) د دغې ادارې سرپرست او د پالېسۍ او مسلکي چارو مرستیال محترم الحاج محمد کاظم "طارق" په مشرۍ پلاوي په داسې حال کې چې د ادارې د مالي او اداري عمومي رئیس محترم مولوي عبدالهادي "مالي اخندزاده" او یو شمېر نورو مسوولینو یې هم ملتیا کوله د زندانونو چارو د سمون ادارې د پلان او پالېسي، د تعمیراتو او د ازادي د سلب پر ځایونو د ارزونې ریاست او د شخصیتي دوسیو امریت له مسوولینو او کارکونکو سره وليدل او د هغوی د کړنو، لاسته راوړنو، ستونزو او غوښتنو په تړاو یې معلومات ترلاسه کړل.
په ورته وخت کې، پلاوي د یادې ارزونې په ترڅ کې اړوندو مسوولینو، او کارکوونکو ته په خبرو کې زیاته کړله چې اداره د کور او کارکوونکي د کورنۍ حیثیت لري نو د خپل کور د ابادۍ په موخه باید نظم، متقابل احترام، ګډې همغږۍ او همکارۍ ته خاصه پاملرنه وکړو.
داراز، یادو مسوولینو او کارکوونکو د زندانونو چارو د سمون ادارې سرپرست او د پالېسۍ او مسلکي چارو مرستیال په ورتګ خوښي څرګنده او ژمنه یې وکړله چې د ا.ا.ا. تر چتر لاندې به ټولو شرعي اصول مرعاتوي او چارې به د تل په څېر په امانتدارۍ سره سرته رسوي.
دغه راز، د پالیسۍ او مسلکي چارو مرستیال محترم الحاج طارق په وينا، د ادارې د اړوندو برخو له ارزونې څخه یې هدف د اصولو مطابق د چارو ښه پرمخ وړل، د اصلاحاتو راوستل او د کارکونکو ستونزو او وړانديزونو ته په وخت رسېدنه ده.
شوال المکرم ۲۳/۱۴۴۶
د مقام د دفتر ریاست
د اطلاعاتو او عامه اړیکو امریت
