د پکتیا ولایت زندان لسګونه تنه محبوسین له عفوې او تخفیفه برخمن شول
د ا.ا.ا. د عالیقدر امیرالمومنین (حفظه الله) په سپارښتنه د سترې محکمې په مشرۍ او اړوندو نورو امارتي اورګانونو په غړیتوب ټاکل شوي پلاوي په دې وروستیو کې د زندانونو چارو د سمون ادارې په همغږۍ د پکتیا ولایت د زندان د زندانیانو د نسبتي دوسیو کره څېړنه کړې، چې پربنسټ یې د افغانستان د سترې محکمې د عالي مقام له خوا د دې زندان (۲۳) تنو محبوسینو د حبس د پاتې مودې د عفوې او (۵۳) تنو نورو د حبس په موده کې د تخفیف یا کموالي حکم وشو.
د یادونې وړ بولو، چې د یاد بهیر په ترڅ کې هغه محبوسین له عفوې او تخفیف څخه برخمنېدای شي، چې د زندانونو چارو د سمون ادارې له خوا زندانونو کې د دیني او عصري علومو، کسب زده کړو، اصلاحي او نورو ښوونیزو او روزنیزو علمي او عملي برنامو کې یې ښه برخه اخیستې وي، په سلوک کې یې اصلاح راغلې وي او د ټاکل شوي حبس درېیمه برخه یې بشپړه کړې وي.
ربېع الاخر ۲/ ۱۴۴۷
د مقام د دفتر ریاست
د اطلاعاتو او عامه اړیکو امریت
