ولایتي خبر: (هرات) د هرات ولایت له زندان سره د عامې روغتیا ریاست له لورې د حفظ الصحې او اړینو توکو مرسته وشوه
په دې مرسته کې چې د پاکۍ اړوند توکي، روغتیایي مواد او نور ضروري توکي شامل وو، د زندانیانو د ژوند د شرایطو د ښه والي او د ناروغیو د مخنیوي په موخه برابر شوي دي.
د زندان مسوولینو د عامې روغتیا ریاست له دې اقدام څخه هرکلی وکړ او ویې ویل؛ دا ډول مرستې کولی شي د بندیانو د روغتیايي وضعیت په ښه کولو کې مهم رول ولوبوي.
بلخوا، د عامې روغتیا ریاست استازو ټینګار وکړ، چې دوی به د زندانونو چارو د سمون ادارې د اقتصادي برنامو او ستراتېژیکو اړیکو ریاست سره خپلې همکارۍ لا پیاوړې کړي، ترڅو د بندیانو لپاره مناسب روغتیايي چاپېریال رامنځته شي.
ذوالقعده ۳/ ۱۴۴۷
د مقام د دفتر ریاست
د اطلاعاتو او عامه اړیکو امریت
