د زندانونو چارو د سمون ادارې يوه پلاوي د غزني ولایت له زندانه لیدنه وکړه
د زندانونو چارو د سمون ادارې د رئیس محترم مولوي محمدیوسف "مستري" په سپارښتنه، د ادارې د کشف او اوپراتیفي رئیس محترم مولوي عطامحمد "محمد" په مشرۍ یو پلاوی غزني ولایت ته په سفر ولاړ او هلته یې د یاد ولایت د مرکزي زندان له رئیس محترم قاري عبدالغني "عادل" سره په لیدنه کې پر اړوندو مسایلو خبرې اترې وکړې.
په ورته وخت کې، پلاوي د دې زندان له مسوولینو سره په خبرو کې د چارو ښه پرمخ وړلو او د نوموړي ولایت د زندانیانو ستونزو او غوښتنو ته د رسېدنې په اړه د دغې ادارې د رهبرۍ لازمې لارښوونې شریکې کړې.
داراز، د محترم مولوي محمد په مشرۍ پلاوي د دې ولایت د زندان له کاري او اداري برخو، تعمیراتي چارو او د پرسونل او بندیانو لپاره د روغتیايي، اعاشوي، اباتوي، د پخلنځي او نورو اړتیا وړ برابرو شويو توکو او امکاناتو څخه تر ارزونې وروسته، ډاډ ترلاسه کړ.
ربیع الاول ۶/ ۱۴۴۵
د مقام د دفتر ریاست
د اطلاعاتو او عامه اړیکو امریت
