د هرات په زندان کې د سکن ماشینونه بيا فعال او ګټې اخیستنې ته وسپارل شول
د زندانونو او زندانيانو د امنيت لاښه خوندیتوب په موخه نن(دوشنبې) د هرات ولایت په زندان کې د سکن ماشینونه چې پخوا له کاره لوېدلي وو، د زندانونو چارو د سمون ادارې د انجنیرۍ مسلکي ټيم په هڅو بيا ترميم، فعال او ګټې اخیستنې ته و سپارل شول.
د نوموړي زندان د مسوولینو په وینا، د یادو ماشینونو په بيا فعاليت سره به هم د زندان او زندانيانو امنيت لاښه خوندي شي او هم به د غير مجاز او نشه يي توکو له قاچاق څخه تر پخوا ډېره مخه ونېول شي.
د یو بل خبر له مخې، يو تن پایواز چې غوښتل یې یو اندازه نشه یي توکي(چرس) د هرات ولایت زندان ته ولېږدوي، د دغه زندان د بېدارو امنیتي او کشفي اورګانونو له خوا د کره تلاشۍ پرمهال کشف، ضبط او له لېږدونکي سره یو ځای یې د یوې دوسيې په ترڅ کې رسماً اړوندو مراجعو ته د لا نورو څېړنو لپاره وسپارل شو.
ربېع الاول ۱۷/ ۱۴۴۵
د مقام د دفتر ریاست
د اطلاعاتو او عامه اړیکو امریت
