د (ای سي ار سي) له لورې د کابل ولایت له مرکزي توقیفخونې سره د یو اندازه توکو مرسته وشوه
د افغانستان لپاره د سره صلیب نړیوالې کمېټې (ای سي ار سي) له لورې د کابل ولایت له مرکزي توقیفخونې سره د ځان مینځلو، جامو مینځلو، د نظافت ساتلو، د ابو څښلو ترموزونو، د حمام کولو لپاره ستلونو، تشتونو، لوټکو او د ډوډۍ خوړلو دسترخوانونو په ګډون د ژوند د یو اندازه نورو لومړنيو توکو مرسته وشوه چې د یو لړ مراسمو په ترڅ کې د دې توقیفخونې مسوولینو ته وسپارل شول.
د زندانونو چارو د سمون ادارې د اقتصادي برنامو او ستراتیژیکو اړیکو رئیس محترم ډاکټر سیداحمد "اسحاقزي" په یادو مراسمو کې د خبرو پر مهال وویل: «موږکوښښ کوو چې په بېلابېلو برخو کې د ملي او نړیوالو مرستندویو بنسټونو مرستې جذب او په روڼه توګه یې په ټول هېواد کې د دې ادارې پر اړوندو زندانیانو وویشو.
په ورته وخت کې، د کابل ولایت د مرکزي توقیفخونې مسوولینو له نوموړو بنسټونو څخه د خوښۍ د څرګندولو ترڅنګ یادې مرستې اړینې وبللې او پر نورو مرستندویو بنسټونو یې هم غږ وکړ، چې له دوی سره خپلو مرستو او همکاریو ته دوام ورکړي.
شوال المکرم/ ۲۸/ ۱۴۴۵
د مقام د دفتر ریاست
د اطلاعاتو او عامه اړیکو امریت
