د بغلان ولایت د مرکزي زندان ۶۵ تنه نارینه او ښځینه زندانیان د لیک او لوست له کورس څخه فارغ شول
په دې اړه په جوړو شویو مراسمو کې چې د دې ولایت د زندان مسوولینو په کې ګډون درلود (۱۴) تنه پرسونل، (۲۴) تنه ښځینه او (۲۷) تنه نارینو محبوسینو د لیک او لوست د زده کړو بشپړولو وروسته د فراغت تصدیق لیکونه ترلاسه کړل.
د دې ولایت د زندان مسوولینو په وینا، دوی هڅه کوي څو د زندان پرسونل او زندانیانو ته ورته نورې د زده کړو ګټورې برنامې جوړې کړي څو وکولای شي نوموړي په ښه فکر او روحیه وروزل شي.
په ورته وخت کې، د دې برخې څو تنو فارغ شویو زده کوونکو د خپلو استادانو څخه مننه وکړه او زیاته یې کړه، چې دوی د لیک او لوست د زده کړو ترڅنګ اسلامي معلومات هم زیات شوي دي.
داراز، د دغه ولایت د زندان مسوولینو په افغانستان کې د ملګرو ملتونو سازمان د مرستندویه ماموریت "یوناما" د بشري حقونو د برخې له پلاوي سره هم ولیدل او د زندانیانو د ژوندانه د وضعیت، د هغوی د بشري حقونو د خوندیتوب، خوړو، روغتیا، ورزش، نسبتې دوسېو او په نورو اړوندو موضوعاتو یې ورسره خبرې اترې وکړې.
داراز، پلاوي د نوموړي زندان له زندانیانو سره هم لیدلي او د هغوی لپاره یې د ښو خدماتو او اسانتیاوو د رامنځته کولو په موخه دمرستو او همکاریو ډاډ ورکړ.
ذوالقعدة الحرام ۲۷/ ۱۴۴۵
د مقام د دفتر ریاست
د اطلاعاتو او عامه اړیکو امریت
