د زندانونو چارو د تنظیم ادارې د کشف او اوپراتيفي ریاست نوي مرستیال په دنده پېل وکړ
د زندانونو چارو د تنظیم ادارې د عمومي رئیس محترم الحاج مولوي محمدیوسف"مستري" په سپارښتنه او د ادارې له اړتیا سره محترم مولوي محمد عادل "منصور" د دې ادارې د کشف او اوپراتیفي ریاست د نوي مرستیال په توګه اړوند پرسونل ته معرفي او نوموړي هم رسماً خپله دنده پیل کړله.
په دې اړه جوړو شویو مراسمو کې، د نوموړي ریاست رئیس محترم مل پاسوال مولوي عبدالشکور"طیب" تغییر او تبدیل د نظام یو اصل یاد کړ او له مربوطه کارکوونکو څخه یې وغوښتل چې له نوي مرستیال سره په کارونو کې پوره همغږي او همکاري وکړي.
په ورته وخت کې، د کشف او اوپراتېفي ریاست نوي مرستیال ژمنه وکړله، چې دغه مسوولیت به په پوره ریښتینولۍ او امانتدارۍ سره سرته رسوي او د خپلو ټولو مشرانو اطاعت به کوي.
ظفر المظفر ۱/ ۱۴۴۸
د مقام د دفتر ریاست
د اطلاعاتو او عامه اړیکو امریت
