د زندانونو چارو د سمون ادارې د نظامي مرستیال په مشرۍ پلاوي فاریاب ولایت ته سفر وکړ
د زندانونو چارو د سمون ادارې نظامي مرستیال محترم لوی پاسوال قاري حبیب الله " بدر" په مشرۍ پلاوي د فاریاب ولایت له زندان د لیدنې تر څنګ، د دې ولایت د زندان مسوولینو سره پر اړوندو مسایلو خبرې وکړې.
د محترم لوی پاسوال قاري بدر په مشرۍ پلاوي د یاد زندان له مسوولینو سره په خبرو کې د زندانیانو په ښې ساتنې او پالنې کې د هغوی نه سټړې کېدونکې هلې ځلې وستایلې.
داراز، د نظامي چارو مرستیال په مشرۍ پلاوي ، د دې ولایت د زندان ملکي او نظامي پرسونل او زندانیانو سره له نږدې ولیدل د هغوی غوښتنې یې واورېدې او د حل په موخه یې اړوندو مسوولینو ته لارښوونه وکړه څو یې ستونزو او غوښتنو ته په وخت رسېدنه وکړي.
همداراز، پلاوي د نوموړي زندان د پرسونل او زندانیانو د خوړو (اعاشې)، اباتې، پخلنځي، تعمیراتي او روغتیايي چارو وضعیت له نږدې وارزاوه او د ستونزو حلولو، لازمو اسانتیاوو برابرولو او روا غوښتنو ته د رسېدنې په موخه اړوندو مسوولینو ته لازمې لارښوونې وکړې.
همداشان، د نظامي چارو مرستیال په مشرۍ پلاوي د فاریاب ولایت د زندان له امنیتي قراولونو، ټاورونو، او امنیتي پوستو څخه په جلا جلا توګه لیدنه وکړه او د زندانیانو د امنیت د لا ټینګښت په موخه یې امنیتي مسوولینو ته یولړ سپارښتنې هم وکړې.
رمضان المبارک ۱۶/ ۱۴۴۶
د مقام د دفتر ریاست
اطلاعاتو او عامه اړیکو امریت
